გადმოწერეთ ჩვენი მობილური აპლიკაცია kinogo.ge აპლიკაცია
გადმოწერეთ ჩვენი მობილური აპლიკაცია სადაც იდება ყველა ახალი ფილმი kinogo.ge აპლიკაცია

5 საინტერესო რამ რაც ხოაკინ ფენიქსს როლებისთვის გაუკეთებია

5 საინტერესო რამ რაც ხოაკინ ფენიქსს როლებისთვის გაუკეთებია

ხოაკინ ფენიქსი ჰოლივუდის ერთ-ერთი ყველაზე მოთხოვნადი მსახიობია. ახლა, როდესაც კინოთეატრებში ახალი ფილმი "JOKER" გადის, რომელშიც ის მთავარ გმირს, არტურ ფლეკს - ჯოკერს, ასრულებს, გვინდა გავიხსენოთ რამდენიმე სრულიად არანორმალური რამ რაც მას სხვადასხა როლებისთვის გაუკეთებია. 

1) ითხოვდა, რომ მისთვის სხვა სახელით მიემართათ და  მსახიობებს აშიმშილებდა

ფილმში Walk the Line ფენიქსი ლეგენდარულ მუსიკოსს, ჯონი ქეშს თამაშბს, რომელსაც მსახიობი არაფრით ჰგავს. ამიტომ, ფენიქსს დიდი ძალისხმევა დასჭირდა როლში შესასვლელად. გარდა იმისა, რომ მან შეისწავლა ქეშის ბიოგრაფია და გადასაღებ მოედანზე გიტარას ხელიდან არ უშვებდა, მან ყველას უთხრა რომ მისთვის ჯ.რ (ჯეი არ) დაეძახათ და საკუთარ სახელზე არ რეაგირებდა. ხოლო ციხის კადრების გადაღებისას ფენიქსმა მოითხოვა, რომ სტატისტები მშივრები ყოფილიყვნენ. ამ ყოველივემ შედეგი ნამდვილად გამოიღო. ფენიქსი აჯონი ქეშის როლისთვის ოსკარზე იყო ნომინირებული და ოქროს გლობუსი დაიმსახურა

2) მეხანძრედ იმუშავა

იმისთვის, რომ ფილმში Ladder 49 მეხანძრის როლი დამარწმუნებლად შეესრულებინა, ფენიქსმა ბალტიმორის სახანძრო აკადემიაში ჩააბარა და სხვა სტუდენტებთან ერთად თავდაუზოგავად შრომობდა. გარკვეული დროის განმავლობაში კი გამოძახებებზეც დადიოდა და ნამდვილ ხანძარს აქრობდა. ამ გამოცდილებამაც გაამართლა, რადგან ფილმის გამოსვლის შემდეგ, მსახიობის თქმით, მეგობარი მეხანძრეები წერილებს სწერდნენ და მის რეალისტურ თამაშს აქებდნენ. 

3) კარიერისგან დაისვენა და გიჟივით იქცეოდა 

ფილმში Two Lovers თამაშის შემდეგ, ფენიქსს და მის მეგობარს - კეისი აფლეკს მოკუმენტარის გადაღების იდეა გაუჩნდათ. მათ უნდოდათ, აღეწერათ ვარსკვლავების მედიასა და ფანებთან ურთიერთობა. ფენიქსმა კარიერისგან 18 თვიანი პაუზა აიღო და სრულიად არაადეკვატურად იქცეოდა. სატელევიზიო შოუში მაგიდას კევას აკრავდა, რაღაც გაუგებარს ბუტბუტებდა, რეპ კონცერტიც კი ჩაატარა. თუმცა ყოველივე ეს ხელოვნებისთვის. მოკუმენტარიმ I'm Still Here აჩვენა როგორ ხდება კინოსა და რეალობას შორის საზღვრების წაშლა. 

4)  შიმშილობდა

იმისთვის, რომ ფილმში Mary Magdalene იესო ქრისტეს როლი შეესრულებინა, მან წაიკითხა სახარებები და ეცადა ქრისტეში რამე თავისთვის ახლო, ადამიანური ეპოვა. იმისთვის, რომ ამ პერსონაჟთან სიახლოვე ეგრძნო, მსახიობმა დიდი ხნის განმავლობაში იშიმშილა, რაც მისი თქმით, საკმაოდ რთული იყო, რადგან გადაღებები სიცილიაზე მიმდინარეობდა და მოედნიდან გაქცევისა და გემრიელი კერძების ჭამის სურვილის დათრგუნვა მან დიდი ძალისხმევით მოახერხა. 

5) ყბა "დაიბა" და გადასაღები მოედანი დაანგრია

პოლ ტომას ანდერსონის თქმით, ფილმ The Master-ის, რომელშიც ფენიქსი კულტის ლიდერის გავლენის ქვეშ მოქცეული მეორე მსოფლიო ომის ვეტერანის როლს ასრულებს, გადაღებისას მსახიობმა საკუთარი ჯანმრთელობა არაერთხელ აზარალა. ფენიქსი კბილის ექიმთან მივიდა და ყბის და კბილების დამჭერი დაიყენა, რომ პირის გახსნა არ შეძლებოდა.  ეს მთავარი გმირის ღიმილის იდეალურად გადმოცემისთვის გააკეთა. ასევე ფენიქსმა, ერთ-ერთი ინტენსიური გადაღების დროს გადასაღები მოედნის საპირფარეშო დაანგრია.

Facebook კომენტარები

მსგავსი სიახლეები
video image

ჰოლივუდის ცნობილმა მსახიობმა, ალეკ ბოლდუინმა ფილმ Rust-ის გადასაღებ მოედანზე სარეკვიზიტო იარაღით ოპე…

სრულად ნახვა
video image

იდეალური არავინაა და ადამიანმა ფიზიკური ნაკლის გამო თავდაჯერება არ უნდა დაკარგოს. წარმატების შანსი ყ…

სრულად ნახვა
{ "@context": "https://schema.org", "@type": "Blog", "url": "https://kinogo.ge/" }