AQUAMAN-ის მეორე ნაწილის გამოსვლის თარიღი ცნობილია

კომპანია Warner Bros.-მა მასშტაბური, სუპერგმირული ბლოკბასტერის მეორე ნაწილის გამოსვლის თარიღად 2022 წლის 16 დეკემბერი დაასახელა. დევიდ ლესლიმ უკვე დაიწყო სცენარზე მუშაობა. ვარაუდობენ, რომ ჯეისონ მომოა ფილმში ტიტულოვანი პერსონაჟის სახით დაბრუნდება. ინფორმაციას ამის შესახებ Variety ავრცელებს.

"აქვამენმა" გლობალური მასშტაბით 1,4 მილიარდ დოლარზე მეტი გამოიმუშავა, რაც მას DC-ის სამყაროში ყველაზე დიდ ფილმად აქცევს. ფილმს იმდენად დიდი წარმატება ხვდა წილად, რომ Warner Bros.-მა საშინელებათა ჟანრის სპინოფის გადაღება გადაწყვიტა, რომელიც ეკრანებზე "The Trench"-ის სახელით წარგვიდგება. ფილმი ფოკუსირებული იქნება იმ არსებებზე, რომლებიც მთავარ გმირებს, პირველ ნაწილში, თავს ესხმიან. "აქვამენის" სამყაროს ფართოდ გაცნობის უამრავი საშუალება არსებობს, რომელსაც კომპანია აუცილებლად გამოიყენებს მომავალში.