Arrow მერვე სეზონით დასრულდება

მართალია The CW-მ გასულ თვეში "ისარს" მერვე სეზონი დაუმტკიცა, თუმცა როგორც ჩანს ოლივერ ქუინის და მისი მეგობრების თავგადასავლები ამით დასრულდება. სტივენ ამელმა სოციალურ ქსელში გაავრცელა, რომ სერიალი ბოლო ათი ეპიზოდით შემოდგომაზე დაბრუნდება.

სიახლე იმის შესახებ, რომ The CW "ისარს" ხურავს მოულოდნელობაა, რადგან სუპერგმირული ბლოკბასტერის რეიტინგები საკმაოდ მაღალია, თუმცა ნებისმიერ შემთხვევაში შოუს მსახიობებმა უკვე განაცხადეს, რომ ბოლო სეზონი ოლივერის და სტარ-სითის სხვა მცველების ისტორიას მაღალ ნოტაზე დაასრულებს.

"ამ გადაწყვეტილების მიღება ჩვენთვის მარტივი არ იყო, მაგრამ სხვა რთული გადაწყვეტილებების მსგავსად ისიც "ისრის" ინტერესებისთვის მივიღეთ. ჩვენ გვახარებს ის ფაქტი, რომ სერიალმა საფუძველი ჩაუყარა მთლიან სამყაროს, რომელიც მრავალი წელი იარსებებს. ჩვენ შოუსთვის, მისი გმირებისთვს და მემკვიდრეობისთვის ღირსეულ ფინალს გავაკეთებთ", - აღნიშნეს საერთო განცხადებაში სერიალის პროდიუსერებმა.

როგორც ჩანს "ისრის" ფინალი იმ დროს ემთხვევა, როდესაც The CW-ს სუპერგმირულ სამყაროში კიდევ ერთი კროსოვერი შედგება.