Disney-ს ადაპტირებულ ვერსიაში „კონკიას“ აფროამერიკელი მსახიობი ითამაშებს

Disney „კონკიას“ მოტივებზე გამოუშვებს ფილმს სახელწოდებით Sneakerella, სადაც მთავარ როლს აფროამერიკელი მსახიობი ჩოუზენ ჯეიკობსი ითამაშებს.

ფილმში მოქმედება ვითარდება ნიუ-იორკში, სადაც მთავარი გმირი მაღაზიაში ფეხსაცმელის გამყიდველია. ის ოცნებობს, რომ სპორტული ფეხსაცმლის დიზაინერი გახდეს, მაგრამ იძულებულია დაფაროს თავისი ნიჭი მამინაცვლისგან და მისი ორი ვაჟისგან, რომლებიც მას ცხოვრებას უწამლავენ.

თანამედროვე ინტერპრეტაციაში ბიჭი უფლისწულის ნაცვლად ხვდება ცნობილი კალათბურთელის ქალიშვილს. კალათბურთელის როლში NBA-ს კალათბურთელი ჯონ სალი თამაშობს.

ფილმის შემქმნელები მასზე დიდ იმედებს ამყარებენ და პრემიერას მომავალი წლისთვის გეგმავენ.