გადმოწერეთ ჩვენი მობილური აპლიკაცია kinogo.ge აპლიკაცია
გადმოწერეთ ჩვენი მობილური აპლიკაცია სადაც იდება ყველა ახალი ფილმი kinogo.ge აპლიკაცია

საინტერესო ფაქტები სამეფო კარის თამაშების შესახებ მათთვის, ვინც ბოლო სეზონს მოუთმენლად ელოდება

საინტერესო ფაქტები სამეფო კარის თამაშების შესახებ მათთვის, ვინც ბოლო სეზონს მოუთმენლად ელოდება

"სამეფო კარის თამაშების" მილიონი ადამიანის წარმოდგენა შეცვალა, თუ როგორი უნდა იყოს თანამედროვე რეალიებში გადაღებული სერიალი. სპეცეფექტები, დეტალების დონემდე მოფიქრებული სცენარი, კარგად შერჩეული სამსახიობო შემადგენლობა და ინტრიგა. ამ ყველაფრით ეკრანიზირებული წიგნი იმდენად საინტერესო აღმოჩნდა, რომ მერვე სეზონის ტიზერს 25-მა მილიონმა ადამიანმა უყურა. წარმოგიდგენთ რამდენიმე საინტერესო ფაქტს "სამეფო კარის თამაშების"შესახებ, რომლებიც ალბათ შოუს ყველაზე ერთგულ მაყურებლებსაც კი არ სმენიათ.

1) დინ-ჩარლზ ჩეპმენმა სერიალში ერთდროულად ორი როლი შეასრულა. თავდაპირველად მსახიობმა მეორეხარისხოვანი პეროსნაჟი - მარტინ ლანისტერი ითამაშა, რომელიც კივან ლანისტერის შვილია, ხოლო შემდეგ კი თომენ ბარათეონის როლზე დაამტკიცეს.

საინტერესო ფაქტები



2) "სამეფო კარის თამაშები" ამერიკული ტელევიზიის ისტორიაში ყველაზე მაღალბიუჯეტიანი და ყველაზე ძვირადღირებული ფენტეზი პროექტია. პირველი სეზონის ბიუჯეტი 60 მილიონ დოლარს შეადგენს, ხოლო ბოლო, მერვე სეზონის გადაღება კი 90 მილიონი დაჯდა, თუმცა მიუხედავად ამისა სერიალის მსახიობები ყველაზე მაღალანაზღაურებადი მსახიობებიც კი არ არიან. რეიტინგის პირველ პოზიციაზე "დიდი აფეთქების თეორიის" ძირითადი სამსახიობო ქასტი იმყოფება.

3) ბერიკ დონდარიონის ცეცხლოვანი ხმალი ყოველგვარი სპეცეფექტების გარეშეა გადაღებული, რასაც კადრში ვხედავთ კომპიუტერული გრაფიკის ჩარევის გარეშე ხდება. საქმე იმაშია, რომ სინამდვილეში ორი ხმალი არსებობს: პირველს ჩვეულებრივი სცენების გადაღების დროს იყენებენ, ხოლო მეორეს კი ბრძოლის დროს. ჩვეულებრივი ხმლის შიგნით გაზისთვის მცირე ადგილია დატოვებული და პატარა ღილაკზე თითის დაჭერით მასში ნაპერწკალი ხვდება და ხმალს ცეცხლი ეკიდება. მეორე ხმალზე სპეციალური ზეთია წასმული და შემდეგ უკვე ცეცხლია მოკიდებული.
საინტერესო ფაქტები

4) სერიალის ქუდს ყოველ ახალ სეზონში ანახლებენ - სამგანზომილებიან რუკაზე ახალ მიწებს ამატებენ და მათ მმართველი ოჯახის გერბით ნიშნავენ. ტიტრების განახლებას 10 კაციანი ჯგუფი სამ თვე ანდომებს. ქუდის შემქმნელებმა "ტიტრების საუკეთესო დიზაინის" კატეგორიაში "ემის" პრემიაც კი მოიგეს.

5) 2014 წელს თურქეთის მთავრობამ სამხედრო სასწავლებლებში "სამეფო კარის თამაშების" ჩვენება აკრძალა. ამგვარად სახელმწიფომ ახალგაზრდა სამხედროები პორნოგრაფიისგან, ძალადობისგან და სხვა მიუღებელი საქციელების გამოვლინებისგან დაიცვა. 2012 წელს სტამბულის სამხედრო აკადემიიდან რამდენიმე ოფიცერი გააგდეს, რადგან მათ კადეტებს სერიალის ყურების უფლება დართეს.

6) მსახიობმა ჯეკ გლისონმა აღიარა, რომ ჯოფრი ბარათეონის სადიზმის და დესპოტიზმის წარმოსაჩენად მისთვის შთაგონების წყარო ფილმი "გლადიატორი" გახდა, კერძოდ კი ჰოაკინ ფენიქსის კომოდუსი.

საინტერესო ფაქტები



7) HBO-მ "სამეფო კარის თამაშები" თავის ისტორიაში ყველაზე წარმატებულ სერიალად დაასახელა. მეშვიდე სეზონის თითოეულ ეპიზოდს დაახლოებით 25-მა მილიონმა ადამიანმა უყურა, მეორე ადგილს HBO-ს რეიტინგში 1999 წლის "სოპრანოს კლანი" იკავებს.

8) ჩარლზ დენსი, რომელიც ტაივინ ლანისტერის როლს ასრულებს იმდენად მოხიბლული იყო ლორდის ვაჟის - ტირიონის მიმართ ნეგატიური დამოკიდებულებით, რომ დუბლებს შორის ის მსახიობ პიტერ დინკლეიჯს თავისი პერსონაჟის საქციელების გამო ბოდიშს უხდიდა.

საინტერესო ფაქტები



9) პიტერ დინკლეიჯის პერსონაჟი სერიალში ყველაზე ხშირად ჩნდება. ტირიონ ლანისტერი მაყურებელმა 73 სერიიდან 61-ში იხილა.

10) მსახიობი ჯონ ბრედლი კალიგრაფიის ხელოვნებას რამდენიმე კვირის განმავლობაში სწავლობდა. სერიალში ჩვენ მხოლოდ მცირე ნაწყვეტი გვაჩვენეს, რომელშიც სემველ თარლი რამდენიმე ხაზს კალმით ნაზად ავლებს. ამის ნახვა მეხუთე სეზონის მეშვიდე ეპიზოდშია შესაძლებელი.

საინტერესო ფაქტები



11) ჯეიმე ლანისტერის აბჯარი არამხოლოდ რეალურად გამოიყურება, არამედ რეალისტური ხმაც აქვს, როგორიც რაინდის აბჯარი სინამდვილეში უნდა იყოს. კოსტუმი ზოგჯერ ისეთ ძლიერ ხმას გამოსცემს, რომ მსახიობ ნიკოლაი კოსტერ-ვალდაუსსიარულის დროს ჩაწერილი დიალოგების ხელახლა გახმოვანება სტუდიაში უწევს.

12) თავდაპირველად დეინერის ტარგარიენის როლზე მსახიობი ტამზინ მერჩანტი დაამტკიცეს, ხოლო კეიტლინ სტარკის როლი ჯენიფერ ელს უნდა შეესრულებინა, მსახიობებმა საპილოტე სერიის გადაღებებშიც კი მიიღეს მონაწილეობა, თუმცა გადაღებების დასრულების შემდეგ მათი ადგილი ემილია კლარკმა და მიშელ ფეირლიმ დაიკავეს.

საინტერესო ფაქტები



13) "სამეფო კარის თამაშები" მეკობრულ ტორენტებზე ყველაზე გადმოწერადი სერიალია. ყველა რეკორდი მეშვიდე სეზონმა დაამხო, როდესაც მომხმარებლებმა ის 1 მილიარდჯერ გადმოწერეს. მეშვიდე სეზონი სატელევიზიო რეიტინგების მხრივაც ყველაზე პოპულარული აღმოჩნდა.

14) აშშ-ელმა ტოპოგრაფიულმა დიზაინერმა საკუთარი სარკინიგზო რუკაც შექმნა, რომელიც კარგად ხსნის შვიდ სამეფოში განლაგებული ობიექტების მდებარეობას. დიზაინერმა უამრავი easter-egg დაამატა, მაგალითად სადგურ ჰარენთაუნზე მტვერს უნდა მოერიდოთ, რადგან ახლოს კოშკ ჰარენჰოლის რესტავრაცია მიმდინარეობს.

15) ჯოფრის და მარჯერის ქორწილი მეოთხე სეზონის ყველაზე დასამახსოვრებელი მომენტი იყო, რადგან მაყურებლებმა როგორც იქნა იხილეს ჯოფრის დამსახურებული სიკვდილი. წიგნის ავტორის - ჯორჯ მარტინის შთაგონების წყარო პრინც ესტაშ სიკვდილი გახდა, რომელიც 1153 წელს გარდაიცვალა. ჯოფრის მსგავსად ისიც დღესასწაულის დროს დაიღუპა, სავარაუდოდ მოწამლეს, თუმცა ზოგიერთები ამტკიცებენ, რომ ტახტის მემკვიდრე უბრალოდ დაიხრჩო.

საინტერესო ფაქტები

Facebook კომენტარები

მსგავსი სიახლეები
video image

„ნეტფლქისის“ მძაფრსიუჟეტიან ფილმში Extraction 2 კრის ჰემსვორთი პარტნიორობას რამდენიმე ქართველი მსახი…

სრულად ნახვა
video image

კომპანია Marvel მზად არის X-ადამიანები დააბრუნოს - გმირები ეკრანს უბრუნდებიან და არსებულლი სამყაროს …

სრულად ნახვა
{ "@context": "https://schema.org", "@type": "Blog", "url": "https://kinogo.ge/" }