GOT-ის მერვე სეზონში სანსა სტარკი აბჯარს მოირგებს

სოფი ტერნერმა, რომელიც "სამეფო კარის თამაშებში" სანსა სტარკის როლს ასრულებს Entertainment Weekly-სთან ინტერვიუში განაცხადა, რომ მერვე სეზონში მისი პერსონაჟი კაბის ნაცვლად რაღაც უფრო პრაქტიკულს ჩაიცმევს. "მე აბჯარი პირველად მექნება", - უპასუხა ტერნერმა კითხვაზე, თუ როგორ ემზადებოდა სანსა მიცვალებულების არმიასთან შეხვედრისთვის.

მაყურებლები სანსა სტარკს მძიმე აბჯარში მაინც ვერ იხილავენ, ამის ნაცვლად ის ტყავის მსუბუქ აბჯარს მოირგებს.

"მე მინდოდა, რომ მას აბჯარი ჰქონოდა", - ამბობს ტერნერი. - "ახლა ის უინთერფელის მეომარს გავს თუ რაღაც მასეთს".

მერვე სეზონი სწორედ უინთერფელში იწყება - სტარკების მშობლიურ სახლში, სადაც დეინერისი და მისი მეომრები ჩადიან, რომ რკინის ტახტი დაიპყრონ, თუმცა სერსეა გმირების უკანასკნელი პრობლემაა, რადგან ჩრდილოეთიდან მათ მიცვალებულთა არმია უახლოვდება, რომელსაც ღამის მეფე მეთაურობს. იმ შემთხვევაში თუ ადამიანები არ გაერთიანდებიან, მაშინ დედამიწაზე მუდმივი ზამთარი დაისადგურებს.

"სამეფო კარის თამაშების" ფინალური სეზონი ექვსი ეპიზოდისგან იქნება შემდგარი. ფინალში მაყურებლებს აქამდე არნახული მასშტაბური ბრძოლა ელოდებათ.