ნახეთ HBO-ს ახალი სერიალის Watchmen-ის პირველი ტიზერი

ხანგრძლივი ლოდინი დასრულდა და როგორც იქნა, HBO-მ დეიმონ ლინდელოფის ახალი სერიალის Watchmen პირველი ტიზერი წარუდგინა საზოგადოებას.

შოუ DC-ის კომიქსზეა დაფუძნებული და ლინდელოფთან ერთად მასზე, თავად ამ კომიქსის შემქმნელებმა, ალან მურმა და დეივ გიბონსმა იმუშავეს.

როგორც ცნობილია, HBO-ს ამ კომიქსის მიხედვით შოუს შექმნა ჯერ კიდევ 2014 წელს სურდა, თუმცა, ლინდელოფის მოუცლელობის გამო პროექტი შეაჩერეს და მუშაობა მხოლოდ მას შემდეგ დაიწყეს, რაც სცენარისტმა The Leftovers-ზე მუშაობა დაასრულა.

სერიალში ერთ-ერთ როლს ჯერემი აირონსი ასრულებს. მის გვერდით კი ვიხილავთ ისეთ მსახიობები, როგორებიც არიან – რეჯინა კინგი, დონ ჯონსონი, ტიმ ბლეიკ ნელსონი და ენდრიუ ჰოვარდი.

სერიალს მაყურებელი 2019 წლის შემოდგომაზე იხილავს.