შესაძლოა მატრიცას და შეშლილი მაქსის გაგრძელება ვიხილოთ

კევინ ცუჯიჰარა, სტუდია Warner-ის წარმომადგენელი, დასავლური პრესის კითხვას, რომელი ფილმების გაგრძელებას ისურვებდა სტუდია, ორი ფილმის დასახელებით პასუხობს, ესენია: "შეშლილი მაქსი" და "მატრიცა".

"თუ სრულმეტრაჟიან ფილმებზე ვსაუბრობთ, ჩვენ გვაქვს ისეთი არაჩვეულებრივი ფრანჩიზა, როგორიცაა "მატრიცა". ვისურვებდი ვიმუშაო "შეშლილი მაქსის" გაგრძელებაზე ჯორჯ მილერთან ერთად. ჩვენი აზრით ასევე დიდი შანსები აქვს მულტფილმს Hanna-Barbera-ს და Looney Tunes-ს. ჩვენი სურვილი იქნებოდა ამ ფრანჩიზებში ინვესტირება. ამდენი ხნის შემდეგ ისინი არ კარგავენ აქტუალურობას" - ამბობს ცუჯიჰარა.

ჭორები იმის შესახებ რომ "შეშლილი მაქსი" შესაძლოა გაგრძელდეს, ინტერნეტ სივრცეში დიდიხანია გავრცელებულია. თებერვალში როდესაც სტუდია მუშაობდა "მსოფლიო ომი Z"-ს მეორე ნაწილზე, გავრცელდა ხმები, რომ სტუდია განიხილავდა მილერთან სამომავლო მუშაობის პერსპექტივას. ასევე ორი წლის წინ გავრცელდა ინფორმაცია, რომ ზაკ პენი მოამზადებს სცენარს "მატრიცა"-სთვის.