გადმოწერეთ ჩვენი მობილური აპლიკაცია kinogo.ge აპლიკაცია
გადმოწერეთ ჩვენი მობილური აპლიკაცია სადაც იდება ყველა ახალი ფილმი kinogo.ge აპლიკაცია

მსახიობები, რომლებმაც საკულტო ფილმებში ქასთინგი ვერ გაიარეს

მსახიობები, რომლებმაც საკულტო ფილმებში ქასთინგი ვერ გაიარეს

არის შემთხვევები, როდესაც მსახიობი ქასთინგს ვერ გადის, ან გადატვირთული გრაფიკის გამო კარგ როლზე უარს ამბობს. დღეს იმ მსახიობებზე ვისაუბრებთ, რომლებმაც პოპულარულ ფილმებში ქასთინგი გაიარეს, მაგრამ როლზე ვერ დამტკიცდნენ.

1. მაილს ტელერი – „ლა ლა ლენდი“

2017 წლის ინტერვიუში ტელერმა აღიარა, რომ Whiplash-ის წარმატების შემდეგ, რეჟისორი დემიენ შაზელი, ლა ლა ლენდში მთავარ როლზე მის დამტკიცებას აპირებდა, თუმცა ჩვენთვის უცნობი მიზეზების გამო, წამყვანი როლი საბოლოოდ რაიან გოსლინგს ერგო. 

2. სკარლეტ იოჰანსონი – „ჯუმანჯი“

გამოცემა Vanity Fair-ის ინფორმაციით, 11 წლის სკარლეტ იოჰანსონმა ქასთინგის რეჟისორს ვიდეო ჩანაწერი გაუგზავნა, თუმცა როლი საბოლოოდ კირსტენ დანსტმა შეასრულა.

3. რობერტ დე ნირო – „ნათლია

ოსკაროსან მსახიობს ფილმ „ნათლიაში“ სონი კორლეონეს როლი უნდა ეთამაშა, როლი ჯეიმს კაან შეხვდა, თუმცა, დე ნიროს თამაშით მოხიბლულმა კოპოლამ, მსახიობს ფილმის მეორე ნაწილში ახალგაზრდა ვიტო კორლეონეს როლი მისცა. ამ შესრულებამ დე ნიროს პირველი ოსკარი მოუტანა.

4. კურტ რასელი – „ვარსკვლავური ომები

არავინ იცის, როგორი იქნებოდა დღეს კინო სამყარო ჰან სოლოს როლზე, ჰარისონ ფორდის ნაცვლად, კურტ რასელი რომ დაემტკიცებინათ. ვარსკვლავური ომების გადაღებები რამდენიჯერმე გადაიდო, რასელს კი სხვა ფილმიდან ჰქონდა შეთავაზება, რომელზეც დათანხმდა.

5. ჯესიკა ალბა – „დაძაბე გონება“

ჯესიკა ალბას კომედიური ფილმის რიმეიქში აგენტი 99 უნდა განესახიერებინა, თუმცა როლზე ენ ჰეთეუეი დამტკიცდა. 2015 წელს ინტერნეტსივრცეში ალბას ქასთინგის ვიდეო გავრცელდა.

6. ჯულია რობერტსი – „შვიდი წუთი სამოთხეში“

იმ დროს დამწყებ მსახიობს, ჯულია რობერტს რომანტიკულ კომედიაში უნდა ეთამაშა, მისი როლი ჯენიფერ კონელის შეხვდა. 

7. ბრიტნი სპირსი – „უბის წიგნაკი

გამოცემა Entertainment Tonight-ის განცხადებით, საკულტო რომანტიკულ ფილმში ელი კალჰუნის როლი ბრიტნი სპირსს უნდა ეთამაშა. მის ნაცვლად შემქმნელებმა რეიჩელ მაკადამსი დაამტკიცეს. კალჰუნის როლზე ასევე რიზ უიზერსპუნი, ჯესიკა ბილი და ჯესიკა სიმპსონი განიხილებოდნენ.

8. ჯენიფერ ლოურენსი – „ბინდი

„არც კი ვიცოდი რა როლი იყო. სცენარიდან 5 გვერდი მომცეს და „ითამაშე, მაიმუნო” მომაძახეს. წლების მერე მივხვდი, რომ ბინდის გასაუბრებაზე ვიყავი”, – იხსენებს ჯენიფერ ლოურენსი. როლი კრისტენ სტიუარტმა შეასრულა.

9. მეთიუ მაკკონეჰი – „ტიტანიკი

როგორც თავად მსახიობი იხსენებს, საკულტო როლის მიღებასთან ძალიან ახლოს იყო: „გასაუბრებიდან რომ გამოვედი აგენტს დავურეკე, ვუთხარი რომ როლი 100%-ით ჩემია. არ მომიტყუებია, ქასთინგმა უნაკლოდ ჩაიარა, დარწმუნებული ვიყავი, რომ დამამტკიცებდნენ”.

10. ლუსი ჰეილი – „გრეის 50 ელფერი

21-ე საუკუნის ერთ-ერთ ყველაზე ცნობილ ფილმში, „გრეის 50 ელფერში“, თავდაპირველად მთავარ როლზე „პატარა საყვარელი მატყუარების“ მსახიობი, ლუსი ჰეილი განიხილებოდა. მსახიობი ქასთინგს იხსენებს: „ძალიან ვნერვიულობდი, ვგრძნობდი რომ ამ საქმისთვის არ გამოვდგებოდი.“

11. ანჯელინა ჯოლი – „სულელი“

Vanity Fair-ის ცნობით, 90-იანი წლების ერთ-ერთ ყველაზე ცნობილ ფილმში მთავარი როლის მოსაპოვებლად ჰოლივუდის ყველაზე კაშკაშა ვარსვკლავები იბრძოდნენ. მათ შორის, პროდიუსერებს ვიდეო ჩანაწერი გაუგზავნეს ანჯელინა ჯოლიმ, რიზ უიზერსპუნმა და გვინეტ პელტროუმ. ლეგენდარული როლი ალისია სილვერსტოუნს ერგო.

Facebook კომენტარები

მსგავსი სიახლეები
video image

ჰოლივუდის ცნობილმა მსახიობმა, ალეკ ბოლდუინმა ფილმ Rust-ის გადასაღებ მოედანზე სარეკვიზიტო იარაღით ოპე…

სრულად ნახვა
video image

იდეალური არავინაა და ადამიანმა ფიზიკური ნაკლის გამო თავდაჯერება არ უნდა დაკარგოს. წარმატების შანსი ყ…

სრულად ნახვა
{ "@context": "https://schema.org", "@type": "Blog", "url": "https://kinogo.ge/" }