რეჟისორი სალომე კალანდია Netflix-ისთვის სერიალს გადაიღებს

ქართველი რეჟისორი სალომე კალანდია, მედია პროვაიდერისთვის Netflix, ისტორიულ სერიალს გადაიღებს.  ის პროექტზე ცნობილ ბრიტანელ რეჟისორთან, პიტერ ვებერთან ერთად იმუშავებს.

როგორც გამოცემა „თორმეტი“ წერს, სერიალი ქართველ ბიჭზეა, რომელსაც მოიტაცებენ და კაიროში მამლუქად წაიყვანენ, ამბის თხრობა კი საქართველოდან იწყება. როგორც ცნობილია, მთავარ როლს ჰოლივუდში მოღვაწე ეგვიპტელი მსახიობი შეასრულებს და 50 ეპიზოდი იქნება.

პიტერ ვებერი სალომე კალანდიას თბილისის საერთაშორისო კინო ფესტივალზე შეხვდა, მოგვიანებით კი სამუშაოდ მიიწვია. ქართველი რეჟისორი ისტორიული სერიალის გადაღების პროცესში, მისი დამხმარე რეჟისორი იქნება.

საქართველოს შოთა რუსთაველის სახელობის თეატრისა და კინოს უნივერსიტეტი დაამთავრა. სხვადასხვა დროს იყო Tbilisi International Film Festival-ისა და სააგენტო Holmes & Watson-ის გუნდის წევრი. ახლა თანამშრომლობს გამოცემასთან „თორმეტი“.

პიტერ ვებერი კი მსოფლიოში ცნობილი ბრიტანელი რეჟისორია. მისი ერთ-ერთი პოპულარული ფილმია “GIRL WITH A PEARL EARRING” („გოგონა მარგალიტის საყურით”), სადაც მთავარ როლს სკარლეტ იოჰანსონი ასრულებს.