ვარსკვლავები, რომლებსაც მძიმე ბავშვობა ჰქონდათ

ვარსკვლავები, რომლებსაც მძიმე ბავშვობა ჰქონდათ

ვარსკვლავები, რომლებსაც მძიმე ბავშვობა ჰქონდათ

ხშირად, როდესაც ჩვენს კუმირებს ეკრანებზე ვხედავთ, ვოცნებობთ, რომ მათსავით გამოვიყურებოდეთ, მათსავით ცნობილები ვიყოთ, წითელ ხალიჩებზე თავაწეულები დავსეირნობდეთ და ავტოგრაფებს ვარიგებდეთ.

თუმცა ყველაფერი მხოლოდ ერთი შეხედვითაა ასეთი დიდებული. სინამდვილეში ბევრ მსახიობს ძალიან რთული წლების გამოვლა მოუწია.

გვინდა მოგიყვეთ იმ მსახიობების შესახებ, რომელთა ბავშვობის არავის შეშურდებოდა.

დრიუ ბერიმორი

დრიუ ბერიმორის ბაბუა, თეატრის ცნობილი მსახიობი იყო. ბერიმორი საკმაოდ მდიდარ ოჯახში იზრდებოდა და ბავშვობაში არაფერი მოკლებია, გარდა ყველაზე მნიშვნელოვნისა – მშობლების ყურადღების. ამიტომაც მსახიობმა 9 წლის ასაკში მოწევა, 11 წლის ასაკში – ალკოჰოლის მიღება, ხოლო 12 წლის ასაკში – ნარკოტიკების გასინჯვა დაიწყო. ამის გამო ის სარეაბილიტაციო ცენტრში მოხვდა, ხოლო გამოსვლის შემდეგ ამ ადგილას მეორედ დაბრუნდა რადგან თავის მოკვლა სცადა. 1990 წელს, როდესაც ბერიმორი სრულწლოვანი გახდა და მშობლების  მეურვეობას თავი დააღწია, ის ცხოვრების ასეთ წესს აღარ დაბრუნებია.

შარლიზ თერონი

ოსკაროსანი მსახიობი სამხრეთ აფრიკის რესპუბლიკაში გაიზარდა. მის მშობლებს ფერმა ჰქონდათ, რომელსაც მხოლოდ დედა უვლიდა, იმ დროს როდესაც მამა ყოველ დღე სვამდა. დალევის შემდეგ კი შვილსაც სცემდა და ცოლსაც. საბოლოოდ, თერონის დედამ ვერ გაუძლო და ქმარი მოკლა. მცირეწლოვანი მსახიობის წინ, თოფს ხელი დაავლო და ისროლა. ალბათ უმეტესობა ბავშვობის ასეთ ტრავმას ვერ გაუძლებდა, თუმცა თერონმა შეძლო და ჰოლივუდის ერთ-ერთ ყველაზე მოთხოვნად ვარსკვლავად იქცა.

რობერტ დაუნი ჯუნიორი

რკინის კაცის ბავშვობამაც საკმაოდ მძიმედ ჩაიარა. რობერტ დაუნი ჯუნიორის მამა, რომელიც ჰოლივუდის ბოჰემას მიეკუთვნებოდა, შვილი გადაღებებზე სულ თან დაჰყავდა და ბავშვს ხშირად ასინჯებდა საკმაოდ არა საბავშვო ნივთიერებებს. მას მერე რაც მამამისმა, 8 წლის ასაკში,  პირველად გაასინჯა მარიხუანა, მსახიობის ცხოვრება ამ და უფრო მძიმე ნარკოტიკების გარშემო ტრიალებდა. ამ მავნე ჩვევის გადაგდება მან, ბევრი სკნდალის, ციხის და სარეაბილიტაციო ცენტრის შემდეგ, 40 წლის ასაკში შეძლო.

ჯიმ ქერი

ჯიმ ქერი ბავშვობაში 6 კაციან ოჯახთან ერთად ტრაილერში, ნათესავის კუთვნილ მდელოზე ცხოვრობდა. მამამისს სამსახური არ ჰქონდა, ხოლო დედა ყველას შეშლილი ეგონა.  სკოლის შემდეგ მსახიობი იატაკების, უნიტაზებისა და კედლების სახეხად ადგილობრივ ქარხანაში მიდიოდა. თუმცა დროს ტყუილადაც არ კარგავდა და სარკეში საკუთარ თავს ეჯღანებოდა და სასაცილო სახეებს კერავდა. მას მსახიობობა სურდა და თავის მიზანს მიაღწია კიდევაც!

კიანუ რივზი

კიანუ რივზის ბავშვობამ სრულ მარტოობაში ჩაიარა. დედამისი და მამამისი მალევე გაშორდნენ და მას შემდეგ დედას სახლში ხან ახალი “მამიკოები” ამოჰყავდა ხანაც ბავშვებს ნათესავებს უტოვებდა. რა გასაკვირია, რომ რივზი ახლაც მარტოხელაა, მან ხომ არ იცის რას ნიშნავს სიტყვა ოჯახი.

რობერტ პატინსონი

რობერტ პატინსონსაც არ ჰქონია ტკბილი ბავშობა.  თავიდან მისი დები პატინსონს  კაბებს არგებდნენ, ის ხომ მართლაც გავდა ლამაზ პატარა გოგოს. სკოლის პერიოდში მსახიობი ბულინგის მსხვერპლი იყო. თანატოლები მას დასცინოდნენ და სცემდნენ, რადგან იმ დროს, როდესაც ყველა კლასელი ბიჭი სპორტ დარბაზში ვარჯიშობდა, რობერტი თეატრალურ წრეზე იყო ჩაწერილი.

ჰოლი ბერი

ჰოლი ბერის ბავშვობამ მოძალადე მამის ოჯახში ჩაიარა. მამა დედას ხშირად სცემდა. ბერი ისეთი მოვლენების მომსწრე გახდა, რომელიც ნებისმიერი ბავშვის ფსიქიკას შეძრავდა. მამამისს ხშირად დაუგორებია დედა კიბეებიდან და როგორც მსახიობი აღნიშნავს ეს არ იყო ყველაზე ცუდი რაც მას უნახავს.

მაკალეი კალკინი

მას შემდეგ რაც კალკინმა მთავარი როლი შეასრულა საკულტო ფილმში “მარტო სახლში” მისი ცხოვრება შეიცვალა და გვენდეთ, უკეთესობისკენ არა. სანამ მამა და დედა ერთმანეთში ბავშვის ფულის გამო  მუდამ ჩხუბობდნენ, კალკინი სრულ მარტოობაში იზრდებოდა, მისი მომავლისთვის არავის ეცალა და საბოლოოდ მსახიობი 2004 წელს ნარკოტიკების გამოყენებისთვის დაიჭირეს. მისი კარიერა კი ერთ ადგილას გაიყინა.

Facebook კომენტარები

მსგავსი სიახლეები
video image

Netflix-ის ერთ-ერთი ყველაზე პოპულარული სერიალის "ქაღალდის სახლის" (La casa de papel) მსახიობი ხაიმე …

სრულად ნახვა
video image

ხშირად, როდესაც ჩვენს კუმირებს ეკრანებზე ვხედავთ, ვოცნებობთ, რომ მათსავით გამოვიყურებოდეთ, მათსავით …

სრულად ნახვა