რომელმა მსახიობმა გამოიმუშავა ყველაზე მეტი სერიალ სამეფო კარის თამაშებში

სერიალი "სამეფო კარის თამაშები", რომელიც ნამდვილად საკულტო პროექტი გახდა, სულ ცოტა ხნის წინ დასრულდა, თუმცა განსხვავებული მოსაზრებები დღემდე გამოითქმის. საიდუმლო არ არის ის ფაქტი, რომ უამრავი ფანი იმედგაცრუებული დარჩა მე-8 სეზონის დასასრულით და ამისთვის პეტიციაც კი შექმნეს, ახლიდან გადაღების მოთხოვნით. ხოლო წიგნის ავტორი ჯორჯ მარტინი გვპირდება, რომ წიგნის დასასრული ფილმისგან განსხვავებული იქნება. მოკლედ ეს ყველაფერი კარგი, მაგრამ ფინანსური ანალიზის ჩატარებას არავინ გვიშლის.

Kinogo.ge-მ გადაწყვიტა გაერკვია, რამდენი გამოიმუშავეს ჯამში მსახიობებმა სერიალის გადაღების პერიოდში და ვისთვის აღმოჩნდა HBO-სთან თანამშრომლობა ყველაზე წარმატებული. ბოლოს კი საინტერესო ბონუსი გელით.

15. ნატალი ემანუელი (მისანდეი) — $ 1 მლნ.

ნატალის გმირი სერიალში მე-3 სეზონიდან გამოჩნდა და თითქმის მაშინვე მოიგო ფანების გული. 5 სეზონის განმავლობაში მონიდან დეიენერის მარჯვენა ხელი გახდა.  ყველა სეზონში ნატალიმ ჯამში $1 მლნ გამოიმუშავა. ეს საკმაოდ კარგი ანაზღაურებაა მსახიობისთვის, რომელიც მთავარ როლს არ ასრულებს.

14. ალფ ალენი (თეონ გრეიჯოი) — $ 2 მლნ.

პერსონაჟი თეონ გრეიჯოი სერიალში პირველივე სეზონიდან გვევლინება. 8 სეზონის განმავლობაში იგი რადიკალურად შეიცვალა. ბოლო სეზონებში მსახიობი ალფი ალენი თითო ეპიზოდში დაახლოებით $100 000 იღებდა და შედეგად ჯამში $2 მილიონი გამოიმუშავა.

13. კონლეტ ჰილი (ვარისი) — $ 2 მლნ.

ვარისი — კიდევ ერთი პერსონაჟი, რომელიც პირველივე სეზონიდან ჩვენთანაა. ბრიტანელი მსახიობის ჰონორარი  ბოლო 2 სეზონში თითო ეპიზოდში ასევე დაახლოებით $100 00 იყო. საერთო ჯამში კი მანაც $2 მლნ. მიიღო.

12. გვენდოლინ კრისტი (ბრიენ ტარტი) — $ 3 მლნ.

ბრიენა ტარტი, პირველი ქალი რაინდი, მე-2 სეზონიდან გამოჩნდა. Celebrity Net Worth-ზე დაყრდნობით, ინგლისელმა მსახიობმა მთელი სერიალის განმავლობაში $3 მლნ. გამოიმუშავა. ეს საკმაოდ მნიშვნელოვანი თანხაა თუ გავითვალისწინებთ იმას რომ, აქამდე მსახიობი არ იყო ცნობილი.

11. იენ გლენი (ჯორახ მორმონტი) — $ 3 მლნ.

ჯორახ მორმონტი, ყოფილი რაინდი, ვესტეროსიდან განდევნილი, ჯერ კიდევ პირველ სეზონში გამოჩნდა, თუმცა ყოველთვის მეორეხარისხოვანი პერსონაჟი იყო. შოტლანდიელმა მსახიობმა იენ გლენმა სერიალით დაახლოებით $3 მლნ. გამოიმუშავა.

10. აიზეკ ჰემპსტედ-რაიტი (ბრენ სტარკი) — $ 4 მლნ.

აიზეკი ჯერ კიდევ 10 წლის იყო, როდესაც სერიალში გამოჩნდა, ახლა ის 19 წლისაა და სამეფო კარის თამაშებმა მას $4 მლნ. მოუტანა. ბოლო ინფორმაციით მე-7 და მე-8 სეზონში მსახიობი თითო ეპიზოდში $175 000 იღებდა.

9. სოფი ტერნერი (სანსა სტარკი) — $ 6 მლნ.

სანსა სტარკი — ერთ-ერთი საკვანძო პერსონაჟია სერიალში და ფანატების საყვარელი. ჯერ კიდევ ცოტა ხნის წინ მსახიობი ერთ ეპიზოდში $ 175 000 იღებდა, მაგრამ ბოლო სეზონში მისი ჰონორარი $210 000-მდე გაიზარდა. ცოტა ხნის წინ მან Harper’s Bazaar-ს განუცხადა, რომ მისი კოლეგა კიტ ჰარინგტონის ჰონორარი გაცილებით მეტი იყო, ვიდრე მისი, თუმცა ეს არ წყენია, რადგანაც კიტი უფრო ხშირად ჩანს ეკრანზე და აქვს ღამის სცენები.

8. მეისი უილიამსი (არია სტარკი) — $ 6 მლნ.

მეისი უილიამსიც ბავშვი იყო, როდესაც სერიალში გამოჩნდა. მე-8 სეზონში მისი ჰონორარი $150 000-დან $210 000-მდე გაიზარდა. ინტერვიუში მეისიმ განაცხადა, რომ სერიალში თამაშით ნოუთბუქისთვის სურდა ფულის შეგროვება, ახლა კი ნებისმიერი ლეპტოპი შეუძლია იყიდოს :) ჯამში მან $6 მლნ. იშოვა.

7. ნატალი დორმერი (მარჯერი ტილერი) — $ 6 მლნ.

მარკერი ტირელი მეორეხარისხოვანი პერსონაჟია, მაგრამ ამას მსახიობისთვის ხელი არ შეუშლია რომ ფანატების გული მოეგო და მნიშვნელოვანი თანხა გამოემუშავა. იგი მე-2 სეზონიდან გამოჩნდა და ნეთელი გმირი იყო მე-6 სეზონში სიკვდილამდე. ნატალის შემოსავალი $6 მლნ. განისაზღვრა. შეიძლება ზოგიერთს გაუკვირდეს, როგორ იშოვა მან სოფი ტერნერზე ან მეისი უილიამსზე მეტი. საქმე იმაშია, რომ ეს მსახიობი შედის B კატეგორიაში. სერიალის შემქმნელებს ქონდათ განსაკუთრებული ანაზღაურების სისტემა, რის მიხედვითაც მსახიობები დაყოფილი იყვნენ ჯგუფებად: A, B და C. სწორედ აქედან გამომდინარეობდა მათი ანაზღაურებაც.

6. რონი მაკანი (სანდორ კლიგანი) — $ 6 მლნ.

სანდორ კლიგანი, ცნობილი ზედმეტსახელით "ქოფაკი", ასევე ახარებს ფანატებს პირველი სეზონიდან. მსახიობმა არაერთი ცვლილება გაიარა და ბოლოს მაინც დადებით პერსონაჟად დარჩა. შოტლანდიელ მსახიობს სერიალმა $6 მლნ.-მდე შემოსავალი მოუტანა, ისიც ჯგუფ B-ში იყო.

5. ლინა ჰიდი (სერსეი ლანისტერი) — $ 9 მლნ.

ლენა ჰიდის გმირი შედის სერიალის 5 მთავარ როლს შორის და ეს მსახიობი A კატეგორიის ჯგუფს განეკუთვნება. მის პერსონაჟ სერსეი ლანისტერს შეიძლება სერიალის მთავარი ანტიგმირი უწოდოთ. რამდენიმე მონაცემის მიხედვით 5 წლის წინ მსახიობი ერთ ეპიზოდში $ 150 000 იღებდა, შემდეგ კი მისი ანაზღაურება გაიზარდა და $300 000 მიაღწია. მხოლოდ მე-8 სეზონში მსახიობმა თითო სერიაში $1,2 მილიონი იშოვა.

4. კიტ ჰარინგტონი (ჯონ სნოუ) — $ 12 მლნ.

ჯონ სნოუ სერიალის ერთ-ერთი მთავარი გმირია და რა თქმა უნდა ფანების საყვარელი პერსონაჟი. მაგრამ ყოველთვის ასე არ იყო. 2014 წლამდე პერსონაჟი არც ისე ცნობილი იყო, ხოლო თავად მსახიობმა მნიშვნელოვანი შემოსავლის მიღება მე-5 სეზონიდან — $300 000 მიღება დაიწყო. მე-7 სეზონში მას ეპიზოდში უკვე $500 000 უხდიდნენ, ხოლო მე-8 სეზონში $1,2 მლნ. მიიღო.

3. ემილია კლარკი (დეიენერის ტარგარიანი) — $ 13 მლნ.

დეიენერეს რაგარიანი, ის ხო კჰალისია, ის ხომ დრაკონების დედაა — სერიალის ცენტრალური პერსონაჟი. შეიძლება ითქვას, რომ ემილიას კარიერა სწორედ ამ სერიალიდან დაიწყო. როგორც კიტ ჰარინგტონს, მასაც ანაზღაურება მე-7 სეზონიდან მოემატა და $500 000 იღებდა ერთ ეპიზოდში. ფინალში კი კლარკი თითო სერიაში $1 მილიონს იღებდა, როგორც ყველა წამყვანი მსახიობი. "მეც ისე მიხდიან, როგორც ჩემს მეგობრებს" თქვა მსახიობმა Vanity Fair-თან მიცემულ ინტერვიუში.

2. პიტერ დენკლეიჯი (ტირიონ ლანისტერი) — $ 15 მლნ.

პიტერ დინკლეიჯი, რომელიც ტირიონ ლანისტერის როლს ასრულებს, სერიალამდეც ცნობილი მსახიობი იყო. მიუხედავად ამისა მისი ჰონორარიც თავდაპირველად $ 150 000 იყო თითო ეპიზოდში. HBO-სთან მოლაპარაკებების შემდეგ ეს თანხა $ 300 000-მდე გაიზარდა, ხოლო შემდეგ $1.2 მლნ-მდე თითო სერიაში, როგორც ყველა A კატეგორიის მსახიობი.

1. ნიკოლაი კოსტერ-ვალდაუ (ჯეიმი ლანისტერი) — $ 16 მლნ.

ჯეიმი ლანისტერი - კიდევ ერთი წამყვანი პერსონაჟი, რომელსაც ფანები პირველივე სეზონიდან ადევნებენ თვალს. მსახიობის ჰონორარიც ასევე რამდენჯერმე გაიზარდა. ბოლო სეზონშ კი ისიც $ 1,2 მილიონს იღებდა თითო სერიაში. დღევანდელ დღეს ვალდაუ სამეფო კარის თამაშების ერთ-ერთ ყველაზე მდიდარ მსახიობად ითვლება.

ბონუსი

რაც არ უნდა ვისაუბროთ, ყველაზე მაღალშემოსავლიანი მსახიობი სერიალიდან მაინც შონ ბინი გამოდის, რომელმაც ნედ სტარკის როლი შეასრულად, მიუხედავად იმისა რომ პერსონაჟი პირველივე სეზონში მოკვდა. დღეის მდგომარეობით ბინის საერთო შემოსავალმა $20 მილიონი შეადგინა. ზუსტად არ ვიცით სეზონის განმავლობაშ რამდენი აიღო, მაგრამ საქმე იმაშია, რომ მსახიობი სერიალამდეც საკმაოდ პოპულარული იყო. ამასთან ნედ სტარკის პერსონაჟმა მსახიობს სხვა მნიშვნელოვანი როლებიც მოუტანა ისეთ პროექტებში როგორიცაა "მედიჩი" და "ფიცი"

რა თქმა უნდა, სერიალმა მილიონები არამხოლოდ მსახიობებს მოუტანა. არამედ ყველას ვინც ჩართული იყო გადაღებებში. მაგალითად ტელეარხმა HBO-მ $8 მილიარდი მიიღო, წიგნის ავტორმა ჯორჯ მარტინმა - $65 მილიონი, ხოლო ჩრდილოეთ ირლანდიამ, სადაც ძირითადად მიმდინარეობდა გადაღებები €300 მილიონზე მეტი ინვესტიცია მიითო.

და ვინ არის თქვენი საყვარელი პერსონაჟი სერიალიდან სამეფო კარის თამაშები?